304

REGISTRES D

[i5₇5]

Sur quoy, la matiere mise en deliberation, a esté conclud, advisé et deliberé :

" Que aucun terme ne main levée ne sera donnée ausdictz du Clergé.

"Et oultre, a esté ordonné que le Receveur de laditte Ville paiera premierement les arreraiges desdittes rentes deues par laditte Ville des quartiers de Janvier, Febvrier et Mars, Avril, May et Juing; et après paiera ceulx depuis escheuz et qui escherront cy après.

"Et quant aux deniers de Bretaigne, estans à Angers pour admener en ceste ville et retenuz audict lieu pour le danger des chemyns, a esté conclud que le commis audict lieu les doibt faire venir el admener par messaigers et autres le plus secrettement et seurrement qu'il sera possible, -n

de deniers des arreraiges des rentes constituées sur icelluy Clergé, que ledict Clergé ne tient compte de paier, quelques remonstrances qui leur aient esté faittes et saisies de leur revenu temporel : dont se font chascun jour infinies plainttes et clameurs par les bourgeois de laditte Ville ausquelz sont deues lesdittes rentes t¹*.

Et que lesdictz Depputtez du Clergé ont dict qu'ilz font toutes dilligences à eulx possibles de recouvrer deniers pour faire lesdictz paiemens; et espèrent fournir, dedans ledict mois et quinziesme Novembre prochain, bonnes et notables sommes; re-querans delay compétant leur estre donné de paier ce qu'ilz doibvent, et ce pendant, main levée Ieur estre faitte de leurdict temporel.

DLXXXI. — [Ordonnance] pour veoir le bois

ESTANT ES MAISONS ET CHANTIERS DES REGRATTIERS. 20 octobre 1575. (Fol. 23g r°.)

#e par les Prevost des Marchans et Eschevins de la Ville de Paris.

"Sire Jacques Kerver, Quartenier de laditte Ville, appellez voz Cinquanteniers et Dixiniers, pour avec eulx vous transporter es maisons et chantiers des regratiers et autres faisans trafficq et vente de boys, affin de veoir quelle quantité de boys à brusler il y

aura, tant gros boys, cotteretz, fagotz que bourrées. Et de ce faittes bon procès verbal signé de vous, que nous envoirez dedans demain pour tous delaiz : si n'y faittes faulte.

k Faict au Bureau, ce xx^me Octobre m v° lxxv. n

Pareilz Mandemens ont esté envoiez aux autres Quarteniers de laditte Ville.

DLXXXII. — [Presens presentés aux] Ambassadeurs de Venise arrivez en ceste ville.

24 octobre 1575. (Fol. 239 v°.)

Le dimenche vingt troisiesme jour d'Octobre mil cinq cens soixante quinze, sont arrivez en ceste ville de Paris les Embassadeurs de Venise. Et estans Messieurs les Prevost des Marchans et Eschevins d'icelle

de ce advertiz, et en aiant receu le commendement du Roy, sont allez ce jour d'huy, lundy xxnn^m0 dudict mois d'Octobre, par devers lesdictz sieurs Embassadeurs, et presenté les presens accoustumez.

DLXXXIII. — [Mandemens aux Cappitaines]

POUR FAIRE RECHERCHE ET PERQUISITION DES SOLDATZ ES FAULXBOURGS S^T MARCEL.

3i octobre 1575. (Fol. 239 *"•)

#e par les Prevost des Marchans et Eschevins de la Ville de Paris.

« Capitaine Savolle, faittes presentement recherche et perquisition des soldatz cy devant levez pour le service du Roy et de ceste Ville, que l'on dict estre

es faulxbourgs Sainct Marcel et es envyrons, avec armes et bagaige. Et si aucuns en trouvez avec armes et bagaige, sai[ssi]ssez vous de leurs personnes et bagaige, et les faittes admener incontinent en l'Hostel de laditte Ville pour en ordonner ainsy que de raison : si n'y faittes faulte.

W Pour les précédents de la question, voir ci-dessus, art. DXXVI.




304	REGISTRES D		[i5₇5] Sur quoy, la matiere mise en deliberation, a esté conclud, advisé et deliberé : " Que aucun terme ne main levée ne sera donnée ausdictz du Clergé. "Et oultre, a esté ordonné que le Receveur de laditte Ville paiera premierement les arreraiges desdittes rentes deues par laditte Ville des quartiers de Janvier, Febvrier et Mars, Avril, May et Juing; et après paiera ceulx depuis escheuz et qui escherront cy après. "Et quant aux deniers de Bretaigne, estans à Angers pour admener en ceste ville et retenuz audict lieu pour le danger des chemyns, a esté conclud que le commis audict lieu les doibt faire venir el admener par messaigers et autres le plus secrettement et seurrement qu'il sera possible, -n
de deniers des arreraiges des rentes constituées sur icelluy Clergé, que ledict Clergé ne tient compte de paier, quelques remonstrances qui leur aient esté faittes et saisies de leur revenu temporel : dont se font chascun jour infinies plainttes et clameurs par les bourgeois de laditte Ville ausquelz sont deues lesdittes rentes t¹*. Et que lesdictz Depputtez du Clergé ont dict qu'ilz font toutes dilligences à eulx possibles de recouvrer deniers pour faire lesdictz paiemens; et espèrent fournir, dedans ledict mois et quinziesme Novembre prochain, bonnes et notables sommes; re-querans delay compétant leur estre donné de paier ce qu'ilz doibvent, et ce pendant, main levée Ieur estre faitte de leurdict temporel.

DLXXXI. — [Ordonnance] pour veoir le bois ESTANT ES MAISONS ET CHANTIERS DES REGRATTIERS. 20 octobre 1575. (Fol. 23g r°.)

#e par les Prevost des Marchans et Eschevins de la Ville de Paris. "Sire Jacques Kerver, Quartenier de laditte Ville, appellez voz Cinquanteniers et Dixiniers, pour avec eulx vous transporter es maisons et chantiers des regratiers et autres faisans trafficq et vente de boys, affin de veoir quelle quantité de boys à brusler il y		aura, tant gros boys, cotteretz, fagotz que bourrées. Et de ce faittes bon procès verbal signé de vous, que nous envoirez dedans demain pour tous delaiz : si n'y faittes faulte. k Faict au Bureau, ce xx^me Octobre m v° lxxv. n
		Pareilz Mandemens ont esté envoiez aux autres Quarteniers de laditte Ville.

DLXXXII. — [Presens presentés aux] Ambassadeurs de Venise arrivez en ceste ville. 24 octobre 1575. (Fol. 239 v°.)

Le dimenche vingt troisiesme jour d'Octobre mil cinq cens soixante quinze, sont arrivez en ceste ville de Paris les Embassadeurs de Venise. Et estans Messieurs les Prevost des Marchans et Eschevins d'icelle		de ce advertiz, et en aiant receu le commendement du Roy, sont allez ce jour d'huy, lundy xxnn^m0 dudict mois d'Octobre, par devers lesdictz sieurs Embassadeurs, et presenté les presens accoustumez.

DLXXXIII. — [Mandemens aux Cappitaines] POUR FAIRE RECHERCHE ET PERQUISITION DES SOLDATZ ES FAULXBOURGS S^T MARCEL. 3i octobre 1575. (Fol. 239 *"•)

#e par les Prevost des Marchans et Eschevins de la Ville de Paris. « Capitaine Savolle, faittes presentement recherche et perquisition des soldatz cy devant levez pour le service du Roy et de ceste Ville, que l'on dict estre		es faulxbourgs Sainct Marcel et es envyrons, avec armes et bagaige. Et si aucuns en trouvez avec armes et bagaige, sai[ssi]ssez vous de leurs personnes et bagaige, et les faittes admener incontinent en l'Hostel de laditte Ville pour en ordonner ainsy que de raison : si n'y faittes faulte.

W Pour les précédents de la question, voir ci-dessus, art. DXXVI.